Ukraina Xavfsizlik xizmati talabi bilan Ukrainada Belarus prezidenti Aleksandr Lukashenko qidiruvga berildi. Bu haqda Ukraina Ichki ishlar vazirligi rasmiy saytida ma’lum qilingan.
Avval Ukraina xuddi shunday tarzda Rossiya Xavfsizlik kengashi raisi o‘rinbosari Dmitriy Medvedev, mudofaa vaziri Sergey Shoygu, Milliy gvardiya rahbari Viktor Zolotov, ichki ishlar vaziri Vladimir Kolokoltsev, Tashqi ishlar vazirligi matbuot kotibi Mariya Zaxarova va boshqalar, jami 700 nafar rossiyalik mansabdorni qidiruvga bergan edi.
Ukraina xususan, Medvedevni mamlakatning hududiy yaxlitligi va daxlsizligiga tajovuz qilishda aybladi (Ukraina Jinoyat kodeksining 110-moddasi 2-qismi; hokimiyat vakili tomonidan yoki bir guruh shaxslar bilan oldindan kelishib, milliy adovatni qo‘zg‘atish). Ushbu moddada nazarda tutilgan eng yuqori jazo 10 yilgacha ozodlikdan mahrum qilishdir.
Keyinroq Rossiya tergov qo‘mitasi raisi Aleksandr Bastrikin Ukrainada Dmitriy Medvedevga nisbatan qo‘zg‘atilgan jinoiy ishni “noqonuniy ta’qib” deb atadi va Ukraina Xavfsizlik xizmati mansabdor shaxslariga nisbatan jinoiy ish qo‘zg‘atilishini ma’lum qildi.
Izoh (1)
Ута кулгили ишларни килиб дунёга шарманда буляпти лекин! Украина обрусини ноль килаётганлар хам шу аслида