Odatda jamoatchilikdan sir tutiladigan atom suvosti raketa tashuvchi kemasi surati AQSH Qurolli kuchlari qo‘mondonligi tomonidan Twitter’da e’lon qilindi, deb xabar bermoqda UNIAN.
Ta’kidlanishicha, “Qiyomat kuni kemasi” 20-oktabr holatiga Arab dengizi xalqaro suvlarida (Saudiya Arabistoni va Eron yaqinida) bo‘lib turibdi.
Suratda “Orlando” sinfidagi suvosti kemasini ko‘rish mumkin, uning bortida esa 24 ta qit’alararo ballistik raketa joylashgan bo‘lib, ularning har birida 12 tadan ajralib chiquvchi yadroviy jangovar kallaklar mavjud.
Oktabr boshida NATO ravzedkasi alyans qo‘mondonligini Rossiya tomonidan masofadan turib boshqariladigan “Poseydon” suvosti qurilmasi sinovdan o‘tkazilayotgani ehtimoli haqida ogohlantirgan edi. Razvedka xabariga ko‘ra, Rossiyaning “Poseydon” torpedalaridan iborat atom suvosti kemasi “bazadan g‘oyib bo‘lgan”. Maxsus xizmatlar hisobotida aytilishicha, Kara dengizida “Belgorod” ko‘p maqsadli atom suvosti kemasi harakatlangani qayd etilgan. Ekspertlar u yerda yadroviy uchuvchisiz uchar qurilma otilishidan xavfsiragan. Biroq ko‘p o‘tmay, bu xabarlar soxta bo‘lib chiqqani xabar berildi.
Izoh (0)