“Umra ziyoratlari sayyohlik agentliklari assotsiatsiyasi” davlat ro‘yxatidan o‘tkazildi. Bu haqda assotsiatsiyasi raisi Sherzod Sami “Daryo”ga ma’lum qildi.
Aytilishicha, assotsiatsiyaga 10 ta agentlik kengash a’zosi sifatida qabul qilingan.
“Maqsadimiz agentliklar tomonidan yo‘l qo‘yilayotgan xato va kamchiliklarni birgalikda bartaraf etish, bir-birlarimizga ko‘maklashishdan iborat. Shuningdek, assotsiatsiyani Haj komissiyasi a’zoligiga kiritishni ham rejalashtirib turibmiz”, — dedi Sherzod Sami.
Assotsiatsiyaning ijrochi direktori etib IIVning sobiq mulozimi Nurimon Abulhasan jamoaga tanishtirilgan. Nurimon Abulhasan uzoq yillar Haj komissiyasi raisi sifatida ham faoliyat yuritgan.
Podpolkovnik Nurimon Abulhasan 2019-yilda IIV Terrorizmga qarshi kurashish bosh boshqarmasi bo‘lim boshlig‘i etib tayinlangan. U 2018-yil aprelidan Din ishlari bo‘yicha qo‘mita raisi o‘rinbosari — Diniy-ijtimoiy jarayonlarni o‘rganish axborot-tahlil markazi direktori lavozimida faoliyat ko‘rsatgan.
U Toshkent islom instituti (1994) va Misrdagi Al-Azhar universitetini (1997) tamomlagan. Din ishlari bo‘yicha qo‘mita, Prezident devoni va IIV tuzilmasida turli lavozimlarda ishlagan.
Mavzuga doir:
- O‘zbekiston va Saudiya Arabistoni havo qatnovi to‘g‘risida bitim imzolaydi
- “Maqsadimiz hoji va Umra ziyoratchilariga barcha ishlarni yengillashtirish” – Saudiya Arabistoni haj va umra ishlari vaziri Tavfiq bin Favzon ar-Rabia
- O‘zbekistonliklar uchun Haj va Umra kvotalari oshiriladi
- O‘zbekistonliklar uchun Haj va Umra narxlarini arzonlashtirish muhokama etildi
Izoh (0)