Bosh prokuratura Termiz shahrining sobiq hokimi Isroil Xudoyberdiyev va uning sheriklari qamoqqa olinganini tasdiqladi.
Ta’kidlanishicha, Bosh prokuratura tomonidan Termiz shahar hokimiyatining sobiq mansabdor shaxslariga nisbatan Jinoyat kodeksining 167, 205 va 209-moddalari bilan qo‘zg‘atilgan jinoyat ishi yuzasidan tergov harakatlari olib borilmoqda.
Bugungi kun holatiga Termiz shahar hokimiyati sobiq mansabdor shaxslari tomonidan davlat va jamiyat hamda tadbirkorlarning manfaatlariga 35,6 milliard so‘m zarar yetkazilganligi aniqlangan. Shu sababli, joriy yil 24-sentabr kuni Termiz shahar sobiq hokimi, keyinchalik uning ikki nafar o‘rinbosari va jinoyatga aloqador boshqa 8 nafar shaxsga nisbatan “qamoqqa olish” ehtiyot chorasi qo‘llanilgan. Jinoyat ishi yuzasidan tergov harakatlari davom etmoqda, — deyiladi Bosh prokuratura axborotida.Qo‘shimcha qilinishicha, ish bo‘yicha haqiqatni aniqlashga to‘sqinlik qilish holatlarining oldini olish maqsadida boshqa tafsilotlar oshkor qilinmaydi.
Izoh (0)