Qashqadaryo viloyati Qarshi shahri xalq ta’limi bo‘limining amaldagi rahbari qamoqqa olingani haqida xabar berilgan edi. Viloyat prokuraturasi bu ma’lumotni tasdiqladi.
Ma’lum qilinishicha, Qarshi shahar prokuraturasi tomonidan Qarshi shahar xalq ta’limi bo‘limi mansabdor shaxslari tomonidan juda ko‘p miqdordagi budjet mablag‘lari talon-toroj qilinganlik holati yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, dastlabki tergov harakatlari olib borilmoqda.
Tergov harakatlari davomida Qarshi shahar xalq ta’limi bo‘limi mudiri Jinoyat protsesual kodeksining 221-moddasi tartibida ushlangan bo‘lib, hozirda yetkazilgan moddiy zarar qoplangani va qonunchilikda ko‘rsatilgan boshqa holatlarni hisobga olgan holda, garov ehtiyot chorasi qo‘llanilgan.
“Tergov harakatlari davomida taraflarning barcha vajlari to‘liq va xolisona ko‘rib chiqilib, natijalariga ko‘ra qonuniy qaror qabul qilinishi ta’minlanadi. Tergov harakatlarining borishi nazoratga olingan”, — deyiladi prokuratura xabarida.
Izoh (0)