O‘zbekistondagi tug‘ilish koeffitsiyenti eng yuqori bo‘lgan tuman va shaharlar ma’lum qilindi

Davlat statistika qo‘mitasi 2022-yilning 1-oktabr holatiga O‘zbekiston tuman va shaharlari orasida har 1000 doimiy aholisiga nisbatan tug‘ilish koeffitsiyenti eng yuqori bo‘lgan hududlar haqida ma’lumot berdi.

Qayd etilishicha, ro‘yxatda Guliston shahri yetakchilik qilyapti. Hududdagi tug‘ilish ko‘rsatkichi respublikadagi eng yuqorisi.

E’tiborlisi, Guliston shahri joylashgan Sirdaryo viloyati O‘zbekistondagi eng aholisi kam viloyat hisoblanadi.

To‘liq ro‘yxat quyidagicha:

• Guliston shahri – 71,7 ta;
• Chiroqchi tumani – 43,6 ta;
• Navoiy shahri – 34,1 ta;
• Sergeli tumani – 33,1 ta;
• Yangiyer shahri – 33 ta;
• Payariq tumani – 31,6 ta;
• Bandixon tumani – 30,9 ta;
• Jizzax shahri – 30,9 ta;
• Namangan shahri – 30,9 ta;
• Bektemir tumani – 30,4 ta.