Samarqand shahrida yo‘nalishli harakatlanuvchi avtobus haydovchilari va konduktorlari ishtirokida janjal sodir bo‘lgandi. Viloyat IIB ularga jazo tayinlanganini ma’lum qildi.
Voqea 10-oktabr kuni soat 16:30 da Samarqand shahar Daxbed—Rudakiy ko‘chalari kesishmasida yuz bergandi. Yo‘nalishli harakatlanuvchi 64-sonli avtobus konduktori Q.J., 52-sonli yo‘nalishli harakatlanuvchi avtobus haydovchisi M.E. va ushbu avtobus konduktori bilan yo‘lovchi olish bo‘yicha o‘zaro tortishib qolib, janjal yuzaga kelgan. Holat aks etgan video ijtimoiy tarmoqlarda tarqalgan.
Viloyat IIB matbuot xizmatining ma’lum qilishicha, janjal ishtirokchilarining har biriga nisbatan 15 sutkadan ma’muriy qamoq jazosi tayinlandi.
Izoh (0)