“Ayrim ko‘chalarda tirbandlik yuzaga keldi, ayrimlari yopildi”. Suvda qolgan Andijon ko‘chalaridan reportaj

Andijon viloyatida 2022-yilning 19-oktabr kuni yuz bergan yog‘ingarchilik sabab shahardagi ayrim ko‘chalar, xonadonlar suvga to‘ldi. Yo‘l yoqalaridagi ariqlarda suv to‘planib, ayrim ko‘chalarda tirbandliklar hosil bo‘ldi. “Daryo” muxbiri yomg‘ir ostidagi Andijon suratlarini jamladi.

Viloyat hokimligi axborot xizmatining ma’lum qilishicha, viloyat hokimi — Fuqaro muhofazasi boshlig‘i buyrug‘i bilan ishchi guruh tuzilib, har bir hududga mas’ul shaxslar tayinlangan.

Favqulodda vaziyatlar bo‘limlari xodimlari tomonidan to‘plangan suvlar aholi turar joylari va yo‘l bo‘ylaridagi bino-inshootlarga kirib ketishining oldini olish maqsadida tezkor choralar ko‘rilmoqda.

“Daryo” muxbirining qayd etishicha, ob-havoning sovushi natijasida hududlarda elektr uzatish tarmoqlarida tez-tez uzilish holatlari kuzatilmoqda.