Ўзбекистондаги туғилиш коэффициенти энг юқори бўлган туман ва шаҳарлар маълум қилинди

Давлат статистика қўмитаси 2022 йилнинг 1 октябрь ҳолатига Ўзбекистон туман ва шаҳарлари орасида ҳар 1000 доимий аҳолисига нисбатан туғилиш коэффициенти энг юқори бўлган ҳудудлар ҳақида маълумот берди.

Қайд этилишича, рўйхатда Гулистон шаҳри етакчилик қиляпти. Ҳудуддаги туғилиш кўрсаткичи республикадаги энг юқориси.

Эътиборлиси, Гулистон шаҳри жойлашган Сирдарё вилояти Ўзбекистондаги энг аҳолиси кам вилоят ҳисобланади.

Тўлиқ рўйхат қуйидагича:

• Гулистон шаҳри – 71,7 та;
• Чироқчи тумани – 43,6 та;
• Навоий шаҳри – 34,1 та;
• Сергели тумани – 33,1 та;
• Янгиер шаҳри – 33 та;
• Пайариқ тумани – 31,6 та;
• Бандихон тумани – 30,9 та;
• Жиззах шаҳри – 30,9 та;
• Наманган шаҳри – 30,9 та;
• Бектемир тумани – 30,4 та.