Toshkent shahar Mirobod tumanidagi savdo va maishiy xizmat ko‘rsatish majmuasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Olmazor tumani MIB tomonidan joylashtirilgan. 2016-yilda qurilgan bino 32 ta xonadan iborat.
Yer uchastkasining umumiy maydoni — 0,07 gektar. Binoning maydoni — 1 438 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan majmuaning boshlang‘ich bahosi — 8,1 mlrd so‘m. Arizalar 24-sentyabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Chorvoqdagi dam olish maskani auksionda 34 mlrd so‘mga sotilgani haqida xabar berilgandi.
Izoh (0)