Avgust oyidagi kompaniyalarning faolligi va brendlarni ro‘yxatga olish jarayoni tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Faoliyat yuritayotgan kompaniyalar bo‘yicha komponent 2022-yil avgust oyida 1,0077 birlikni tashkil etib, o‘tgan oyga nisbatan 0,8 foizga oshganligini ko‘rsatadi.
Ushbu ko‘rsatkich o‘tgan yilning mos davriga nisbatan ham ijobiy o‘zgarib, 9,4 foizga oshgan.
Avgust oyida barcha turdagi faoliyat yuritayotgan kompaniyalar soni o‘tgan yilning shu davriga (610 041 birlik) nisbatan 5 386 taga ko‘payib, 615 427 birlikni tashkil etgan.
Yirik tadbirkorlik bilan shug‘ullanuvchi korxonalar soni 21 taga oshgan.
Hisobot davrida, kichik korxonalar soni 498 214 tadan 503 426 tagacha ko‘paygan (o‘sish 5 212 ta). Fermer xo‘jaliklari soni 108 273 tadan 108 426 tagacha (o‘sish 153 ta) ko‘paygan.
Yirik tadbirkorlik bilan shug‘ullanayotgan subyektlar soni 3 575 tani tashkil etib, 2022-yilning iyul oyiga nisbatan 21 taga ko‘paygan.
2022-yil avgust oyida savdo belgilari muhofazasi bo‘yicha biznes faolligi indeksi 0,9883 birlikni tashkil etib, ushbu ko‘rsatkich 2022-yilning iyul oyiga nisbatan 1,2 foizga mo‘tadil darajada kamaygan.
Joriy yilning avgust oyida yuridik shaxslar tomonidan 337 ta tovar belgilari va tovar nomlari ro‘yxatga olingan.
Izoh (0)