Oltin narxi 2020-yil aprelidan beri birinchi marta bir troya unsiyasi uchun 1,63 ming dollargacha pasaydi. Bu haqda “Daryo”ga Nyu-York tovar birjasi bo‘limi Comex’dan ma’lum bo‘ldi.
Ertalabki savdolar chog‘ida qimmatbaho metallning narxi 2020-yil aprelidan beri birinchi marta 1,32 foizga pasayib, bir troya unsiyasi (taxminan 31 grammga teng) uchun 1 633,8 dollarni tashkil etdi.
Toshkent vaqti bilan 18:15 dagi savdo ma’lumotlariga ko‘ra, pasayishni sekinlashdi va bir unsiya uchun 1 651,2 dollar atrofida bo‘ldi.
Shu bilan birga, Comex’dagi savdolar vaqtida kumush tannarxi 0,21 foizga pasayib, bir troya unsiyasi uchun 18,87 dollarni tashkil etadi.
Qimmatbaho metallar narxi 13-sentabrda e’lon qilingan AQSHda avgust oyidagi inflyatsiya haqidagi ma’lumotlardan so‘ng tushib ketmoqda. Bu Fed stavkalarini agressiv ravishda oshirishda davom etishi haqidagi xavotirlarni kuchaytirdi, bu esa o‘z navbatida tovarlar narxiga bosim o‘tkazdi.
Avvalroq O‘zbekistonning oltin-valyuta zaxiralari kamaygani haqida xabar berilgan edi.
Izoh (0)