Yevropa supermarketlari energiya narxining keskin ko‘tarilishi va shu sababli sabzavot hamda meva ishlab chiqarishning kamayishi ortidan oziq-ovqat taqchilligini qisqartirish uchun Turkiyadan yetkazib beruvchilar bilan muzokaralar olib bormoqda. Bu haqda Turkiyaning Milliyet gazetasi xabar bermoqda.
Yevropa issiqxonalarida sabzavot va mevalarni ishlab chiqarish deyarli 40 foizga kamaygan.
Shuning uchun do‘konlar va oziq-ovqat sotuvchilari tanqislikni qoplash uchun Antaliyadagi fermerlar bilan muzokaralar boshlagan.
Yevropa chakana sotuvchilari naqd pul berish va kafolatlangan sotib olish modeli bo‘yicha tijorat shartnomalarini imzolashga intilmoqda.
Issiqxonada ishlab chiqarishni Turkiyaga ko‘chirish niyatida bo‘lgan yevropaliklar ham bor, — deb yozadi Milliyet.
Avvalroq Turkiya Markaziy banki asosiy stavkani yana pasaytirgani va buning ortidan lira qadrsizlana boshlagani haqida xabar berilgan edi.
Izoh (0)