Toshkent shahri, Chilonzor tumani, Bunyodkor ko‘chasidagi mehmonxona kimoshdi savdosiga qo‘yildi. Lot ma’lumotlari “E-auksion” portalida keltirilgan.
Lot auksionga iqtisodiy sudlar hukmi bilan Mirobod tumani MIB tomonidan qo‘yilgan. Mehmonxona 4 qavatli va 192 xonadan iborat.
Yer uchastkasining umumiy maydoni — 0,61 gektar. Binoning maydoni — 6 003 kvadrat metr.
1990—2018-yillar oralig‘ida qurilgan ushbu mehmonxonada suv, elektr, gaz ta’minoti va kanalizatsiya tizimi mavjud.
Auksionga qo‘yilgan mehmonxonaning boshlang‘ich bahosi — 19 mlrd so‘m. Arizalar 10-oktabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Xorazmdagi mehmonxona 18,5 mlrd so‘mga auksionga qo‘yilgani haqida xabar berilgan edi.
Izoh (0)