Iroqda yangi neftni qayta ishlash zavodi ishga tushirildi

Iroq markazidagi Karbalo shahrida yangi neftni qayta ishlash zavodi ish boshladi. Bu haqda respublika neft vazirligiga tayanib, “TASS” xabar berdi.

Zavodning ishlab chiqarish quvvati kuniga 140 ming barrelni tashkil etadi. Bu bizga mahalliy bozor ehtiyojlarini qisman qoplash va yaqin kelajakda importni kamaytirish imkonini beradi, — dedi Neft vazirligi rahbari Isxon Abdel Jaber.

Taxminlarga ko‘ra, zavod to‘liq quvvat bilan ishlasa, u Iroqqa import qilinadigan neft mahsulotlarining 90 foizidan voz kechishga imkon beradi.

2014-yilda Iroq Hyundai Engineyering and Construction kompaniyasi boshchiligidagi Janubiy Koreya konsorsiumiga Karbaloda neftni qayta ishlash zavodi qurish uchun 6,04 milliard dollarlik shartnoma imzolagan edi.

Obyekt qurilishi 2016-yilda boshlangan. Iroq rasmiylari avvalroq xabar berganidek, kelajakda neftni qayta ishlash zavodi kuniga 150 ming barrelgacha neft ishlab chiqarish imkoniyatiga ega bo‘ladi.

Avvalroq Xitoyga neft yetkazib berish bo‘yicha uchinchi o‘rinni Iroq egallagani haqida xabar berilgandi.