Олтин нархи 2020 йил апрелидан бери биринчи марта бир троя унцияси учун 1,63 минг долларгача пасайди. Бу ҳақда «Дарё»га Нью-Йорк товар биржаси бўлими Comex’дан маълум бўлди.
Эрталабки савдолар чоғида қимматбаҳо металлнинг нархи 2020 йил апрелидан бери биринчи марта 1,32 фоизга пасайиб, бир троя унцияси (тахминан 31 граммга тенг) учун 1 633,8 долларни ташкил этди.
Тошкент вақти билан 18:15 даги савдо маълумотларига кўра, пасайишни секинлашди ва бир унция учун 1 651,2 доллар атрофида бўлди.
Шу билан бирга, Comex’даги савдолар вақтида кумуш таннархи 0,21 фоизга пасайиб, бир троя унцияси учун 18,87 долларни ташкил этади.
Қимматбаҳо металлар нархи 13 сентябрда эълон қилинган АҚШда август ойидаги инфляция ҳақидаги маълумотлардан сўнг тушиб кетмоқда. Бу Fed ставкаларини агрессив равишда оширишда давом этиши ҳақидаги хавотирларни кучайтирди, бу эса ўз навбатида товарлар нархига босим ўтказди.
Аввалроқ Ўзбекистоннинг олтин-валюта захиралари камайгани ҳақида хабар берилган эди.
Изоҳ (0)