2022-yilning yanvar—avgust oylarida O‘zbekiston tashqi savdo aylanmasining uchdan bir qismi yoki 37,9 foizi MDH davlatlariga to‘g‘ri keldi. Bu haqda “Daryo”ga Iqtisodiy tadqiqotlar va islohotlar markazi xabar berdi.
Shu bilan birga, 2022-yilning yanvar—avgust oylarida MDH davlatlarining umumiy tashqi savdo aylanmasidagi ulushi 2021-yilning mos davriga nisbatan 0,2 foizga kamaydi, boshqa xorijiy davlatlar ulushi esa mos ravishda 0,2 foizga oshib, 62,1 foizni tashkil etdi.
O‘zbekistonning MDH mamlakatlari bilan tashqi savdo aylanmasi 2022-yil yanvar—avgust holatiga ko‘ra 27,1 foizga o‘sib, 12,2 mlrd dollarni tashkil etdi.
Shundan eksport — 45,1 foizga o‘sib, 4,8 mlrd dollar, import esa — 17,6 foizga o‘sib, 7,4 mlrd dollar qiymatida qayd etildi.
MDH mamlakatlari bilan tashqi savdo aylanmasining eng yuqori hajmlari Rossiya (46,6 foiz), Qozog‘iston (23,6 foiz) hamda qirg‘iz respublikasi (6,2 foiz) davlatlari bilan qayd etildi.
Izoh (0)