O‘zbekistonda aholi tomonidan onlayn nazorat kassa texnikasi orqali 2022-yil yanvar—avgust oylarida 111,7 mlrd so‘mlik kitoblar sotib olingan. Bu haqda Davlat soliq qo‘mitasi matbuot xizmati xabar bermoqda.
Qayd etilishicha, ushbu davr mobaynida 5 708 ta kitob savdosi bilan shug‘illanuvchi subyektning 15,3 ming savdo shoxobchalari orqali 980,6 ming marta kitob mahsulotlari realizatsiya qilingan.
Eng ko‘p kitob xarid qilingan hududlar bo‘yicha boshqalariga nisbatan katta farq bilan Toshkent shahri yetakchilik qildi — 58,9 mlrd so‘m.
Ikkinchi o‘rinni Andijon viloyati (14,8 mlrd so‘m) egallagan bo‘lsa, Toshkent viloyati (12,5 mlrd so‘m) uchinchi o‘rinda ko‘rsatilgan.
Shuningdek, bu ko‘rsatkich bo‘yicha Navoiy viloyati (6,8 mlrd so‘m) to‘rtinchi, Samarqand viloyati (4,1 mlrd so‘m) beshinchi bo‘lgan.
Tahlilda kitob mahsulotlari Mahsulotlar va xizmatlar identifikatsiya kodi (MXIK) kategoriyasi qamrab olingan.
Avvalroq O‘zbekistonda tovar va xizmatlar milliy katoligining yangilangan versiyasi ishga tushirilgani, Soliq mobil ilovasida yangi imkoniyatlar paydo bo‘lgani haqida xabar berilgan edi.
Izoh (0)