Ўзбекистонда аҳоли томонидан онлайн назорат касса техникаси орқали 2022 йил январь—август ойларида 111,7 млрд сўмлик китоблар сотиб олинган. Бу ҳақда Давлат солиқ қўмитаси матбуот хизмати хабар бермоқда.
Қайд этилишича, ушбу давр мобайнида 5 708 та китоб савдоси билан шуғилланувчи субъектнинг 15,3 минг савдо шохобчалари орқали 980,6 минг марта китоб маҳсулотлари реализация қилинган.
Энг кўп китоб харид қилинган ҳудудлар бўйича бошқаларига нисбатан катта фарқ билан Тошкент шаҳри етакчилик қилди — 58,9 млрд сўм.
Иккинчи ўринни Андижон вилояти (14,8 млрд сўм) эгаллаган бўлса, Тошкент вилояти (12,5 млрд сўм) учинчи ўринда кўрсатилган.
Шунингдек, бу кўрсаткич бўйича Навоий вилояти (6,8 млрд сўм) тўртинчи, Самарқанд вилояти (4,1 млрд сўм) бешинчи бўлган.
Таҳлилда китоб маҳсулотлари Маҳсулотлар ва хизматлар идентификация коди (МХИК) категорияси қамраб олинган.
Аввалроқ Ўзбекистонда товар ва хизматлар миллий католигининг янгиланган версияси ишга туширилгани, Солиқ мобил иловасида янги имкониятлар пайдо бўлгани ҳақида хабар берилган эди.
Изоҳ (0)