Rossiyaning IrAero aviakompaniyasi Tatariston poytaxti — Qozon shahridan Samarqand xalqaro aeroportiga yangi yo‘nalish ochdi.
Uzbekistan Airports matbuot xizmatining ma’lum qilishicha, yangi yo‘nalish 20-sentabrdan boshlab yo‘lga qo‘yilgan bo‘lib, parvozlar haftada bir marta seshanba kunlari Sukhoi Superjet 100 samolyotlarida amalga oshiriladi. Bir yo‘nalishdagi parvoz vaqti 3 soat 40 daqiqani tashkil etadi.
Oktabr oyi oxirigacha 2022-yil bahor-yoz mavsumi doirasida samolyotlar Samarqanddan Qozonga mahalliy vaqt bilan soat 18:30 da parvoz qiladi.
IrAero aviakompaniyasi — 1999 yilda tashkil etilgan va Irkutsk xalqaro aeroportida joylashgan Rossiya aviakompaniyasi. Kompaniya parki Airbus A319, Superjet 100, Bombardier CRJ-200LR kabi samolyotlardan, shuningdek, Antonov yo'lovchi va yuk tashuvchi samolyotlaridan iborat.
Ushbu aviakompaniya Rossiyaning Moskva, Novosibirsk va Irkuts shaharlaridan ham Samarqandga parvozlarni amalga oshiradi.
Bundan avval Rossiyaning “Yamal” aviakompaniyasi Samarqandga muntazam parvozlarni yo‘lga qo‘ygani haqida xabar berilgan edi.
Izoh (0)