Qoraqalpog‘istonda yigit qizga kuch ishlatgani tasvirlangan video tarqaldi. Bu haqda “Daryo” muxbiri Shuhrat Saidahmadov xabar berdi.
“Daryo“ manbasiga ko‘ra, voqea bugun, 21-sentabr kuni Nukus shahrining Sarbinaz massivida yuz bergan.
Ko‘p qavatli uylar oldida sodir bo‘lgani ko‘ringan videoda yigit qizdan nimanidir tortib olishga uringanini, so‘ngra unga tarsaki tushirganini ko‘rish mumkin.
“Daryo” muxbiri holatda oydinlik kiritish uchun Qoraqalpog‘iston Respublikasi IIV axborot xizmati rahbari Salavat Qallibekov bilan bog‘landi. Vazirlik xodimi voqea to‘liq o‘rganilgach, rasmiy ma’lumot berilishini ma’lum qildi.
Izoh (0)