Yaponiyaning avgust oyida qayd etilgan savdo kamomadi hajmi 2,8 trillion iyenani (taxminan 19,6 milliard dollar) tashkil etdi. Bu haqda Yaponiya Moliya vazirligiga tayanib “TASS” xabar bermoqda.
Avgust oyidagi savdo kamomadi mamlakatdagi tegishli ko‘rsatkichning rekord darajasi bo‘ldi.
O‘tgan oyda Yaponiya importi 2021-yilning shu davriga nisbatan 49,9 foizga o‘sib, pul ko‘rinishida 10,879 trillion iyenani (taxminan 76 milliard dollar) tashkil etdi.
O‘z navbatida, eksport hajmi 22,1 foizga o‘sib, 8,061 trillion iyena (56,3 milliard dollarga yaqin) bo‘ldi.
Bundan tashqari, 2021-yil avgustiga nisbatan Yaponiya tomonidan sotib olingan neft partiyasi narxi 90,3 foizga, LNG (suyultirilgan gaz) 140,1 foizga va ko‘mir 241 foizga oshgan.
Yaponiyaning savdo taqchilligi oxirgi 13 oy davomida saqlanib qolmoqda. Bunga iyenaning dollarga nisbatan so‘nggi 24 yildagi eng oast darajaga tushib ketishi va jahon bozoridagi neft narxi sabab bo‘lmoqda.
Joriy yilning birinchi yarim yilligiga ko‘ra, O‘zbekistonda savdo taqchilligi 5,5 mlrd dollarni tashkil qiladi.
Avvalroq Yapon iyenasi 1998-yildan beri eng past darajaga tushgani haqida xabar berilgan edi.
Izoh (0)