Kanadaning Ontario provinsiyasida joylashgan Gamilton, Mississoga va Milton shaharlarida qurollangan erkak otishma sodir etdi, oqibatda ikki kishi halok bo‘ldi va yana bir necha kishi yaralandi. Bu haqda politsiyaga tayanib, CBC xabar berdi.
Hujumchi dastlab Mississoga shahridagi Argentiya roud va Uinston Cherchill bulvari yaqinida o‘t ochgan. Oqibatda Toronto politsiyasi xodimi halok bo‘lgan, yana bir kishi jarohat olib, kasalxonaga yotqizilgan.
Taxminan bir soat o‘tgach, erkak Milton shahrida yana otishma sodir etgan. U yerda bir kishi vafot etgan, ikki kishi kasalxonaga yotqizilgan.
Otishma sodir etilgan uchinchi joy — Gamiltonda politsiya gumonlanuvchini topishga muvaffaq bo‘ldi. Bu 30 yoshli Shon Petri bo‘lib chiqdi, oxir-oqibat u ham o‘ldirilgan.
Shuningdek, 13-avgust kuni kechqurun Quddusda noma’lum shaxs ziyoratchilar ketayotgan avtobusga qarata o‘q uzgan. Politsiya Eski shaharni to‘sib qo‘ygan. Hujumchini qidirish uchun vertolyotlar ishga tushirilgan. Olti soatdan keyin erkak topilib, politsiyaga taslim bo‘lgan. Otishmada kamida sakkiz kishi yaralangan, ulardan ikki nafari og‘ir axvolda.
Izoh (0)