Канаданинг Онтарио провинциясида жойлашган Гамилтон, Миссиссога ва Мильтон шаҳарларида қуролланган эркак отишма содир этди, оқибатда икки киши ҳалок бўлди ва яна бир неча киши яраланди. Бу ҳақда полицияга таяниб, CBC хабар берди.
Ҳужумчи дастлаб Миссиссога шаҳридаги Аргентия роуд ва Уинстон Черчилль булвари яқинида ўт очган. Оқибатда Торонто полицияси ходими ҳалок бўлган, яна бир киши жароҳат олиб, касалхонага ётқизилган.
Тахминан бир соат ўтгач, эркак Мильтон шаҳрида яна отишма содир этган. У ерда бир киши вафот этган, икки киши касалхонага ётқизилган.
Отишма содир этилган учинчи жой — Гамильтонда полиция гумонланувчини топишга муваффақ бўлди. Бу 30 ёшли Шон Петри бўлиб чиқди, охир-оқибат у ҳам ўлдирилган.
Шунингдек, 13 август куни кечқурун Қуддусда номаълум шахс зиёратчилар кетаётган автобусга қарата ўқ узган. Полиция Эски шаҳарни тўсиб қўйган. Ҳужумчини қидириш учун вертолётлар ишга туширилган. Олти соатдан кейин эркак топилиб, полицияга таслим бўлган. Отишмада камида саккиз киши яраланган, улардан икки нафари оғир ахволда.
Изоҳ (0)