Qozog‘iston reytingi barqarordan salbiyga tushirildi

S&P Global Ratings Kaspiy quvurlari konsorsiumi (CPC) bilan bog‘liq muammolar sabab Qozog‘iston bo‘yicha o‘z prognozini barqarordan salbiyga tushirdi.

Agentlik ma’lumotlariga ko‘ra, Qozog‘iston neft eksportining qariyb 80 foizi uchun foydalanadigan quvur potentsial uzilishlarga qarshi himoyasizligicha qolmoqda.

Salbiy prognoz CPC quvuri orqali Qozog‘iston nefti eksporti uchun xavflarni, shuningdek, qarzni moliyalashtirish narxining oshishini aks ettiradi, — dedi Market Watch S&P so‘zlaridan iqtibos keltirgan holda.

Agentlikning ta’kidlashicha, bu yil CPC quvuriga ta’sir ko‘rsatadigan bir qator hodisalar, jumladan, mart oyida bo‘ron bilan bog‘liq zarar va yukni cheklashi mumkin bo‘lgan suzuvchi tanklarda suv osti yoriqlari aniqlangan.

Shu munosabat bilan S&P Qozog‘istonda neft qazib olish bo‘yicha o‘z taxminlarini 2022-yil uchun avvalgi 87,5 million tonna prognozdan yiliga 85,6 million tonnaga tushirdi.

S&P’ning qayd etishicha, ichki moliyalashtirishga o‘sib borayotgan qaramlik va qarz olish xarajatlarining oshishi Qozog‘iston qarzlariga xizmat ko‘rsatish yukini oshirishi mumkin.

Shu bilan birga, S&P Qozog‘istonning suveren kredit reytingini BBB-/A-3 darajasida tasdiqlaganini ma’lum qildi.

Avvalroq Qozog‘iston harbiy mahsulotlar eksportini bir yilga to‘xtatishi xabar berilgan edi.