Қозоғистон рейтинги барқарордан салбийга туширилди

S&P Global Ratings Каспий қувурлари консорсиуми (CPC) билан боғлиқ муаммолар сабаб Қозоғистон бўйича ўз прогнозини барқарордан салбийга туширди.

Агентлик маълумотларига кўра, Қозоғистон нефть экспортининг қарийб 80 фоизи учун фойдаланадиган қувур потенциал узилишларга қарши ҳимоясизлигича қолмоқда.

Салбий прогноз CPC қувури орқали Қозоғистон нефти экспорти учун хавфларни, шунингдек, қарзни молиялаштириш нархининг ошишини акс эттиради, — деди Market Watch S&P сўзларидан иқтибос келтирган ҳолда.

Агентликнинг таъкидлашича, бу йил CPC қувурига таъсир кўрсатадиган бир қатор ҳодисалар, жумладан, март ойида бўрон билан боғлиқ зарар ва юкни чеклаши мумкин бўлган сузувчи танкларда сув ости ёриқлари аниқланган.

Шу муносабат билан S&P Қозоғистонда нефть қазиб олиш бўйича ўз тахминларини 2022 йил учун аввалги 87,5 миллион тонна прогноздан йилига 85,6 миллион тоннага туширди.

S&P’нинг қайд этишича, ички молиялаштиришга ўсиб бораётган қарамлик ва қарз олиш харажатларининг ошиши Қозоғистон қарзларига хизмат кўрсатиш юкини ошириши мумкин.

Шу билан бирга, S&P Қозоғистоннинг суверен кредит рейтингини BBB-/А-3 даражасида тасдиқлаганини маълум қилди.

Аввалроқ Қозоғистон ҳарбий маҳсулотлар экспортини бир йилга тўхтатиши хабар берилган эди.