“Real” 2023-yilning yozida “Borussiya D” yarim himoyachisi Jud Bellinghemni sotib olmoqchi, deya xabar qilmoqda AS.
Madridliklar 19 yoshli futbolchiga Luka Modrichning o‘rinbosari sifatida qaramoqda. Jud uchun kurashda ispan klubida “Liverpul” raqobatchi bo‘lishi kutilmoqda.
“Borussiya” ushbu yozda futbolchini qo‘yib yubormoqchi emas va talabgorlar ham buni tushunib turibdi. Biroq dortmundliklar 2023-yilda xavbekni olib qola olishiga shubha bilan qaramoqda.
Bellinghemning transferi 100 million yevro atrofida bo‘lishi kutilmoqda.
Angliyalik futbolchi 2020-yilning yozida 23 million yevro evaziga “Borussiya D”ga o‘tgandi.
Izoh (0)