“Yuventus” yarim himoyachisi Pol Pogba Fransiya terma jamoasidan chetlatilishi mumkin. Bu haqda The Score’ga tayanib “Chempionat” xabar qilmoqda.
Avvalroq Polning akasi Matias Pogba futbolchi “PSJ” hujumchisi Kilian Mbappeni shamanlar orqali jodulashga urinayotgani va bunga isbotlari borligini ma’lum qilgandi. Matias bu ma’lumotlarni oshkor qilmaslik uchun ukasidan 13 million yevro talab qilayotgani xabar qilingandi.
Qayd etilishicha, Mbappe va uning atrofidagilar Pogba bilan ro‘y berayotgan mojaroni kuzatmoqda.
Agar Pogba haqiqatda termadagi jamoadoshiga nisbatan jodu ishlatmoqchi bo‘lgani tasdiqlansa, bu JCH—2022 oldidan jamoa ichki muhitiga salbiy ta’sir qilishi mumkin. Shu bois katta ehtimol bilan Pol terma jamoani tark etishga majbur bo‘ladi.
Izoh (0)