Germaniya hukumati koronavirusga qarshi kurashish qoidalarini qayta kuchaytirmoqda: 1-oktabrdan butun mamlakat bo‘ylab samolyotlar va uzoq masofaga qatnovchi poyezdlardagi yo‘lovchilar yuqori himoya niqoblarini taqishi shart. Tibbiyot muassasalarida esa nafaqat niqoblar, balki emlash sertifikati ham talab qilinadi.
Germaniya Federal Sog‘liqni saqlash vazirligining ta’kidlashicha, shtat hukumatlari o‘z istagiga ko‘ra va joylardagi vaziyatga qarab qo‘shimcha talablarni kiritishi mumkin — masalan, jamoat transporti va restoranlarda niqob rejimini joriy qilish, ommaviy tadbirlarda ijtimoiy masofani qaytarish kabi.
Germaniya SSV mamlakat yozdan epidemiya nuqtayi nazaridan nisbatan muvaffaqiyatli o‘tganini ma’lum qildi. Biroq bir necha hafta oldin, asosan, qariyalar orasida COVID-o‘limlarning yangi o‘sishi qayd etilgan.
Berlinda rasmiylar yangi karantinlar yoki maktablarda darslarni bekor qilish haqida gap yo‘qligini ta’kidlamoqda.
Shu bilan birga, samolyotlarda niqob taqish talabi hukumat koalitsiyasini keskin tanqid ostida qoldirdi: ijtimoiy tarmoqlarda hukumatning Kanadaga uchayotgan samolyotidan suratlar tarqalgan va ma’lum bo‘lishicha, amaldorlarning o‘zlari niqobsiz uchgan. Rasmiylar bu harbiy-havo kuchlarining reysi ekanini aytishdi, unda esa niqob emas, sertifikat talab qilinadi.
Izoh (0)