Pokistonning iqlim o‘zgarishi bo‘yicha vaziri Sherri Rahman CNN telekanaliga ma’lum qilishicha, 2022-yilning yozida Pokistonda musson yomg‘irlari sabab yuzaga kelgan toshqinlar oqibatida kamida 903 kishi halok bo‘ldi, ulardan 326 nafari bolalar.
Vazirning so‘zlariga ko‘ra, “minglab odamlar uysiz, oziq-ovqatsiz qolgan, aloqa liniyalari uzilgan”.
“Bu jiddiy gumanitar falokat”, — deya ta’kidladi u.
Mahalliy hokimiyat ma’lumotlariga ko‘ra, salkam 3000 kilometr yo‘l va 129 ta ko‘prik vayron bo‘lgan, bu esa tabiiy ofatdan katta zarar ko‘rgan hududlarga kirishni to‘sib qo‘ygan, 500 mingdan ortiq chorva mollari nobud bo‘lgan.
BMTning gumanitar masalalarni muvofiqlashtirish boshqarmasi ma’lumotlariga ko‘ra, iyun oyi o‘rtalaridan beri Pokistonda 2,3 million kishi suv toshqinidan jabr ko‘rgan va 95 mingdan ortiq uy vayron bo‘lgan.
Pokiston hukumati xalqaro gumanitar yordami uchun so‘rov yuborgan, deya ta’kidladi CNN.
Izoh (0)