Fransiyada va umuman Yevropada “to‘kin-sochinlik va beg‘amlik davri” tugadi, dedi Fransiya yetakchisi Emmanuel Makron vazirlar kengashi majlisi ochilishida. U fransuzlarni inqirozlarni tartibga solish uchun jipslashishga chaqirdi, deb yozadi “RBK”.
“Mening fikrimcha, biz hozir boshdan kechirayotgan narsa — bu o‘ziga xos keskin burilish yoki katta o‘zgarish. Mohiyatan, biz to‘kin-sochinlik, arzon likvidlik davrining oxirida yashayapmiz — biz buning iqtisodiy oqibatlarini ko‘ramiz, bu — mahsulotlar va texnologiyalarning hamyonboplik davri tugadi, demakdir, ular bizga doim qo‘limiz yetadigandek bo‘lib tuyulardi”, — dedi u.
“Bundan tashqari, Makron iqlim inqirozini va Yevropa uchun yangi risklarni, shuningdek, kiberxavflarni tilga oldi. Chunonchi, uning fikricha, Fransiyada ekologik rejalashtirish bo‘yicha katta ishni amalga oshirish va “issiqxona gazlari ajralib chiqishini qisqartirish uchun endigina tugagan mavsumga nisbatan aniq va qat’iy tanlovni amalga oshirish, qilingan sa’y-harakatlarni ikki karra kuchaytirish, shuningdek, yanada tezkor tarzda mamlakatni qayta qurish” zarur.
Makron, shuningdek, “liberal bo‘lmagan, avtoritar rejimlar” o‘sayotgani va mustahkamlanayotganiga e’tibor qaratdi. Uning ta’kidlashicha, Fransiyadagi “erkinlik rejimi” “o‘z qiymatiga ega” va “qurbonlarni talab qilishi mumkin”.
Respublika prezidenti Ukrainadagi harbiy nizoga ham to‘xtalib o‘tdi va bu davrni “betashvish hayotning tugashi” deb atadi.
Rossiyaning Ukrainadagi harbiy operatsiyasi va yetkazib berishlar zanjirini uzib yuborgan javob sanksiyalari fonida G‘arbiy Yevropada yonilg‘i va o‘g‘it narxi oshib ketdi. Natijada Yevropa mamlakatlari bir necha o‘n yillar ichida rekord darajadagi narxlar o‘sishiga to‘qnash keldi, shu jumladan, oziq-ovqat mahsulotlari va kommunal xizmatlar qimmatlashdi.
Izoh (0)