Malayziya Oliy sudi sobiq bosh vazir Najib Tun Razzoqni 12 yillik qamoq jazosiga hukm qildi. Bu haqda Reuters xabar berdi.
2009-yildan 2018-yilgacha Malayziya bosh vaziri bo‘lib ishlagan 69 yoshli Najib Razzoq o‘zi asos solgan 1Malaysia Development Berhad (1MDB) davlat fondidagi ko‘p milliard dollarlik poraxo‘rlik mojarosiga aloqadorlikda ayblandi.
2020-yilda sud uni yettita punkt bo‘yicha aybdor deb topgan, ulardan asosiysi Razzoqning shaxsiy hisob raqamlariga jami 9,4 million dollar o‘tkazilgani bilan bog‘liq.
Sobiq bosh vazir qonunbuzarlikni muntazam rad etib keladi, biroq uning so‘nggi apellyatsiyasi Malayziya Oliy sudining besh sudyadan iborat hay’ati tomonidan rad etildi. Najib Razzoq shuningdek, 46,94 million dollar jarimaga tortildi.
Sud vakilining aytishicha, u poytaxt Kuala-Lumpurdan 40 kilometr uzoqlikda joylashgan Kajang qamoqxonasiga olib ketilgan.
Izoh (0)