Joriy yilning birinchi olti oyida O‘zbekiston Qozog‘istondan o‘tgan yilga nisbatan 4,5 baravar ko‘p — jami 10 ming tonna go‘sht sotib oldi. Bu haqda “Kursiv” xabar bermoqda.
Bu qozog‘istonlik ishlab chiqaruvchilarga 40 million dollardan ortiq daromad olish imkonini berdi.
Umuman olganda, O‘zbekiston go‘sht importining 31 foizi Qozog‘iston hissasiga to‘g‘ri keladi.
Davlat statistika qo‘mitasi ma’lumotlariga ko‘ra, joriy yilning o‘tgan olti oyida mamlakatga 129 million dollarlik go‘sht mahsulotlari import qilingan.
O‘zbekistonda bozor sig‘imi ancha katta, shuning uchun Qozog‘iston mamlakatga go‘sht eksportini yanada oshirishi mumkin. Ko‘plab yangi qozog‘istonlik ishlab chiqaruvchilar O‘zbekistonga go‘sht mahsulotlarini yetkazib berish uchun ruxsat olmoqda.
Veterinariya va chorvachilikni rivojlantirish davlat qo‘mitasi Qozog‘istondan 57 ta kompaniya (o‘tgan yilga nisbatan 19 taga ko‘p) go‘sht yetkazib beruvchilar ro‘yxatiga kiritilganini ma’lum qildi.
Qozog‘iston sovutilgan va muzlatilgan go‘sht eksportini 15 foizga qisqartirdi. Biroq, yuqori narxlar tufayli eksportning umumiy qiymati 35 foizga oshdi.
Ushbu daromad o‘sishining yana bir omili eksport yo‘nalishlarini o‘zgartirishdir, chunki qozog‘istonlik fermerlar yangi xaridorlarni qidirmoqda.
Masalan, O‘zbekiston va Birlashgan Arab Amirliklariga parranda go‘shti yetkazib berishni boshlagan bo‘lsa, Rossiyaga eksport hajmi to‘rt baravar kamaydi.
Izoh (0)