Toshkent shahar, Chilonzor tumanidagi avtomobillarga texnik xizmat ko‘rsatish majmuasi kimoshdi savdosida sotildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Chilonzor tumani MIB tomonidan joylashtirilgan edi.
Yer uchastkasining umumiy maydoni — 0,3 gektar. Binoning maydoni — 942 kvadrat metr.
1990-yilda qurilgan ushbu binoda suv, elektr ta’minoti va kanalizatsiya tizimi bor. Gaz ta’minoti mavjud emas.
Lot izohida yozilishicha, yer uchastkasining umumiy maydoni 3 022 kvadrat metr, 2 376 kvadrat metri ijaraga berilgan maydondir.
Auksionga qo‘yilgan binoning boshlang‘ich bahosi — 3,1 mlrd so‘m edi. Savdolar 15-avgust soat 10:00 da o‘tkazildi va bino 4,2 mlrd so‘mga sotildi.
Izoh (0)