UzAuto Trailer ustav kapitalidagi 100 foiz davlat ulushi raqobatga asoslangan sotuv jarayoni orqali sotilishi e’lon qilindi. Bu haqda Davlat aktivlarini boshqarish agentligi xabar berdi.
Kompaniya haqida ma’lumot
Korxonaning loyihaviy quvvati 3 ming donagacha: 2 ming dona yarim tirkama va ming dona osma texnika, samosval kuzovi, yarim tirkamalar, konteyner tashuvchilar, tentli kuzovlar, izotermik yarim tirkamalar va furgonlar ishlab chiqarish o‘zlashtirilgan.
O‘z mahsulotlarini nafaqat O‘zbekistonning ichki bozorida, balki qo‘shni davlatlar: Qozog‘iston, Ozarbayjon, Afg‘oniston, Turkmaniston va Qirg‘izistonda ham sotishni maqsad qilgan. Xodimlar soni 420 kishini tashkil qiladi.
Ishlab chiqaradigan mahsulotlari:
- kuzovlar: samosval,izotermik,tentli va to‘liq metall;
- yarim tirkama va tirkamalar: samosval, izotermik, tentli;
- konteyner tashuvchilar va boshqa maxsus texnika;
- qishloq xo‘jalik texnikasi (traktor tirkamalari, preslash mashinalari, harakatlanuvchi yoqilg‘i quyish shoxobchalari bekatlari).
Ishlab chiqarish bo‘yicha korxona Samarqand viloyatida joylashgan. Ustav fondi — 158,6 mlrd so‘m. 2021-yil bo‘yicha foydasi 626,2 mlrd so‘m, sof foydasi 53 mlrd so‘m.
Qiziqish bildirishi to‘g‘risidagi ariza 2022-yil 21-sentabr 18:00 ga qadar qabul qilinadi.
Avvalroq Uzbekistan Airways’ni xususiylashtirish jarayoni boshlangani haqida xabar berilgan edi.
Izoh (0)