Toshkent shahar, Yakkasaroy tumanidagi bino kimoshdi savdosiga qo‘yildi. Ma’lumotlar “E-auksion” portalida e’lon qilingan.
2020-yilda qurilgan uch qavatdan iborat bino 8 ta xonaga ega. Unda “Havas” do‘koni ham joylashgan.
Yer uchastkasining umumiy maydoni — 0,08 gektar. Binoning maydoni — 1 215 kvadrat metr. Unda gaz, suv, elektr ta’minoti va kanalizatsiya tizimi mavjud.
Auksionga qo‘yilgan binoning boshlang‘ich bahosi — 3,3 mlrd so‘m. Arizalar 23-sentabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot auksionga qitisodiy sudlar hukmi bilan Yakkasaroy tumani MIB tomonidan joylashtirilgan.
Avvalroq Toshkentdagi avtomobil ustaxonasi auksionda 4,2 mlrd so‘mga sotilgani haqida xabar berilgandi.
Izoh (0)