Yevropada gaz narxi mart oyidan buyon ming kub metr uchun 2 800 dollardan oshdi. Bu haqda “Kommersant” xabar bermoqda.
ICE Futures ma’lumotlariga ko‘ra, Niderlandiyadagi TTF gaz markazida sentabr fyucherslari narxi mart oyi boshidan beri birinchi marta ming kub metr uchun 2 800 dollardan oshdi.
Gaz narxining umumiy o‘sishi 8 foizni tashkil etdi.
“Gazprom” Yevropada gaz narxi qishda 4 000 dollardan oshishini prognoz qilgan.
Narxlar shirkat tomonidan “Shimoliy oqim” orqali gaz yetkazib berishni qisqartirishi fonida ko‘tarila boshladi.
Shu bilan birga, tahlilchilar avgust oyida yuk tashish rekord darajaga tushishini taxmin qilmoqda.
Bundan tashqari, 31-avgustdan 2-sentabrgacha “Shimoliy oqim” profilaktika ishlari uchun to‘liq to‘xtatiladi.
Avvalroq “Gazprom” yetkazib berishni qisqartirgani sabab Yevropaga gaz yetmayotgani haqida xabar berilgan edi.
Izoh (0)