Европада газ нархи март ойидан бери биринчи марта 2 800 доллардан ошди

Европада газ нархи март ойидан буён минг куб метр учун 2 800 доллардан ошди. Бу ҳақда «Коммерсантъ» хабар бермоқда.

ICE Futures маълумотларига кўра, Нидерландиядаги ТТF газ марказида сентябрь фьючерслари нархи март ойи бошидан бери биринчи марта минг куб метр учун 2 800 доллардан ошди.

Газ нархининг умумий ўсиши 8 фоизни ташкил этди.

«Газпром» Европада газ нархи қишда 4 000 доллардан ошишини прогноз қилган.

Нархлар ширкат томонидан «Шимолий оқим» орқали газ етказиб беришни қисқартириши фонида кўтарила бошлади.

Шу билан бирга, таҳлилчилар август ойида юк ташиш рекорд даражага тушишини тахмин қилмоқда.

Бундан ташқари, 31 августдан 2 сентябргача «Шимолий оқим» профилактика ишлари учун тўлиқ тўхтатилади.

Аввалроқ «Газпром» етказиб беришни қисқартиргани сабаб Европага газ етмаётгани ҳақида хабар берилган эди.