O‘zbekistonga 2022-yilning yanvar—iyul oylarida O‘zbekistonga qiymati 52,5 mln dollarga teng bo‘lgan 1,3 mln tonna sement import qilingan. Bu haqda Davlat statsitika qo‘mitasi xabar bermoqda.
Sement importi hajmi o‘tgan yilning mos davri bilan solishtirilganda 421 ming tonnaga kamaygan.
2021-yilning dastlabki yetti oyida 85 mln dollarlik sement import qilingan. Bu joriy yildan 32,5 mln dollarga ko‘p.
O‘zbekiston yil boshidan beri eng ko‘p sement sotib olgan mamlakatlar orasida Tojikiston yetakchilik qilmoqda — 533 ming tonna. Bu borada Tojikiston 2021-yilning mos davrida 391,5 ming tonna bilan uchinchi o‘rinda ketayotgan edi.
Qirg‘iziston 2022-yilning yanvar—iyul oylarida ham ikkinchi o‘rinni saqlab qoldi. Mamlakat O‘zbekistonga o‘tgan yili 437 ming tonna sement import qilgan bo‘lsa, joriy yilda bu ko‘rsatkich 385 ming tonnaga yetdi.
O‘tgan yilning mos davrida yetakchilik qilgan Qozog‘iston joriy yilda birinchilikni boy berdi. Yanvar—iyul oylarida O‘zbekistonning ushbu mamlakatdan sement importi 2,3 barobarga qisqarib, 353 ming tonnani tashkil qilgan.
Import kamayishini mahalliy ishlab chiqarishning ko‘payishi bilan izohlash mumkin. O‘zbekistonning 14 ta hududidan 11 tasida sement ishlab chiqariladi.
2021-yilda mahalliy ishlab chiqarilgan 1 tonna sementning birja savdolarida o‘rtacha narxi 551,3 ming so‘mni tashkil etdi (2020-yilga nisbatan 14,3 foizga past)
Izoh (0)