Ўзбекистонга 2022 йилнинг январь—июль ойларида Ўзбекистонга қиймати 52,5 млн долларга тенг бўлган 1,3 млн тонна цемент импорт қилинган. Бу ҳақда Давлат стацитика қўмитаси хабар бермоқда.
Цемент импорти ҳажми ўтган йилнинг мос даври билан солиштирилганда 421 минг тоннага камайган.
2021 йилнинг дастлабки етти ойида 85 млн долларлик цемент импорт қилинган. Бу жорий йилдан 32,5 млн долларга кўп.
Ўзбекистон йил бошидан бери энг кўп цемент сотиб олган мамлакатлар орасида Тожикистон етакчилик қилмоқда — 533 минг тонна. Бу борада Тожикистон 2021 йилнинг мос даврида 391,5 минг тонна билан учинчи ўринда кетаётган эди.
Қирғизистон 2022 йилнинг январь—июль ойларида ҳам иккинчи ўринни сақлаб қолди. Мамлакат Ўзбекистонга ўтган йили 437 минг тонна цемент импорт қилган бўлса, жорий йилда бу кўрсаткич 385 минг тоннага етди.
Ўтган йилнинг мос даврида етакчилик қилган Қозоғистон жорий йилда биринчиликни бой берди. Январь—июль ойларида Ўзбекистоннинг ушбу мамлакатдан цемент импорти 2,3 баробарга қисқариб, 353 минг тоннани ташкил қилган.
Импорт камайишини маҳаллий ишлаб чиқаришнинг кўпайиши билан изоҳлаш мумкин. Ўзбекистоннинг 14 та ҳудудидан 11 тасида цемент ишлаб чиқарилади.
2021 йилда маҳаллий ишлаб чиқарилган 1 тонна цементнинг биржа савдоларида ўртача нархи 551,3 минг сўмни ташкил этди (2020 йилга нисбатан 14,3 фоизга паст)
Изоҳ (0)