Yaponiya Milliy soliq boshqarmasi mamlakat yoshlarini yapon spirtli ichimliklarini ko‘proq iste’mol qilishga undashga qaratilgan “Sake Viva!” tanlovini e’lon qildi, deb yozadi Meduza.
Tanlov tashkilotchilari 20—39 yoshdagi odamlardan spirtli ichimliklarni yana ommalashtirish yo‘llari borasidagi g‘oyalarini 9-sentabrga qadar yuborishni so‘radi. Ishtirokchilarga yangi mahsulotlar va ishlanmalarni taqdim etish, shuningdek, “metaolam” yordamida sotishning yangi usullarini o‘rganib chiqishni taklif qildi.
Yaponiyada so‘nggi yillarda demografik o‘zgarishlar, koronavirus pandemiyasi, shuningdek, yoshlar hayot tarzining o‘zgarishi fonida spirtli ichimliklar kamroq iste’mol qilinmoqda, bu esa soliq tushumlariga o‘z ta’sirini o‘tkazyapti. Yaponiyada bir yillik alkogol iste’moli kishi boshiga 1995-yildagi 100 litrdan 2020-yilda 75 litrgacha tushib qoldi. 1980-yilda alkogol savdosidan soliq tushumlari jami miqdorning 5 foizini, 2011-yilda 3 foizini, 2020-yilda esa 1,7 foizini tashkil qilgan.
Yaponiya Sog‘liqni saqlash vazirligi boshlangan kampaniya odamlarga “alkogolni maqbul miqdorda” ichish kerakligini ham eslatib qo‘yishiga umid bildirdi.
Izoh (0)