Agar Kiyev zarur deb hisoblasa, Ukrainaga Amerika tomonidan berilgan qurollardan Qrimga zarbalar uchun foydalanishi mumkin. AQSH buni qo‘llab-quvvatlaydi, deya Politico nashriga ma’lum qildi amerikalik yuqori martabali mulozim.
Nashrning ismi sir qolishini istagan suhbatdoshiga ko‘ra, AQSH Ukrainani u o‘zini himoya qilishi uchun qurol-yarog‘ bilan ta’minlagan. “Suveren Ukraina tuprog‘ida ular ta’qib qilishga qaror qilgan har qanday nishon — o‘zini himoya qilish”, — dedi amaldor va qurollarni qo‘llash uchun nishonlarni Amerika tanlab bermasligini qo‘shimcha qildi.
AQSH ma’muriyati Qrim yarimorolini suveren Ukrainaning hududi deb hisoblaydimi, degan savolga amaldor “Qrim — bu Ukraina”, deb javob berdi.
Xuddi shu fikrni AQSHning NATOdagi sobiq elchisi, Donald Tramp ma’muriyatida Ukraina bo‘yicha maxsus vakil bo‘lib ishlagan Kurt Volker ham bildirgan.
Qrimdagi Rossiya kuchlariga hujum qilish Kiyev atrofidagi, Xersondagi yoki Ukraina sharqidagi rus armiyasiga hujumdan farq qilmaydi”, — degan u.O‘z navbatida, Ukraina rasmiy vakili Kiyev AQSHning Qrimdagi nishonlarga qarshi qurol ishlatishga nisbatan bunday yondashuvidan xabardorligini bildirgan.
9-avgust kuni Qrimda Novofedorovka qishlog‘i yaqinidagi Saki aerodromida qator portlashlar sodir bo‘ldi. 16-avgust kuni Qrimning Jankoy tumanidagi Mayskoy qishlog‘ida o‘q-dorilar ombori portladi. Mahalliy aholining so‘zlariga ko‘ra, Qrimning Simferopolskiy tumanidagi Gvardeyskoye posyolkasida joylashgan harbiy aerodromda ham bir necha portlash sodir bo‘lgan. 18-avgust kuni Qrim hukumati Kerchda havo mudofaa tizimi ishlagani, Sevastopol yaqinidagi Belbek aerodromi yaqinida esa dron urib tushirilgani haqida xabar berdi.
Kiyev portlashlarga aloqadorligini rasman e’lon qilmagan, biroq Ukraina va G‘arb OAVlari anonim manbalarga tayanib, Rossiya obyektlari ukrainalik harbiylar tomonidan hujumga uchraganini yozdi.
Izoh (0)