AQSHning Kaliforniya shtatidagi aeroportda ikki samolyot havoda to‘qnashib ketdi. Oqibatda kamida ikki kishi halok bo‘ldi, deb yozmoqda Daily Mail.
Voqea Kaliforniya shtatining 50 000 dan sal ko‘proq aholiga ega bo‘lgan Uotsonvil shahridagi aeroportda sodir bo‘lgan.
Fuqaro aviatsiyasi federal boshqarmasi (FAA) ma’lum qilishicha, samolyotlar qo‘nish chog‘ida bir-biri bilan to‘qnashib ketgan. Ulardan biri yaqin atrofdagi dalaga, ikkinchisi esa angarga qulagan. Samolyotlar bortida ikki nafardan odam bo‘lgan.
Halokat FAA va Milliy Transport xavfsizligi kengashi tomonidan tekshirilmoqda, ularga Uotsonvil politsiyasi va Santa-Krus okrugi sherif idorasi yordami bermoqda. Samolyotlar to‘qnashuvi oqibatida kamida ikki kishi halok bo‘ldi, deydi rasmiylar.
Avval bortida 126 kishi bo‘lgan samolyot AQSHning Mayami xalqaro aeroportiga qo‘nganidan so‘ng yonib ketgan edi.
Izoh (0)