Donetsk osmonidagi qiruvchi samolyot, harbiy gospitalga kelgan Zelenskiy. Urushning 176-kunidan fotoreportaj
18-avgustga o‘tar kechasi rus qo‘shinlari Xarkovga bir necha marta raketa hujumlarini uyushtirdi. Ikki umumiy yotoqxona, Madaniyat uyi va boshqa bir qancha fuqarolik binolari vayron bo‘lgan, kamida 17 kishi halok bo‘lgan, yana 42 kishi jarohatlangan. Rossiya Mudofaa vazirligi bu zarbalar “xorijiy yollanma askarlarni” nishonga olganini da’vo qilmoqda. Ukraina prezidenti Vladimir Zelenskiy esa bu tinch aholiga qarshi razillik bilan uyushtirilgan hujum ekanini aytdi. Lvovda Vladimir Zelenskiy, BMT Bosh kotibi Antoniu Guterrish va Turkiya prezidenti Rajab Toyyib Erdo‘g‘on o‘rtasida uch tomonlama muzokaralar bo‘lib o‘tdi. Rossiya va Ukraina harbiylari bir-birini Zaporojye atom elektr stansiyasida provokatsiyalar tayyorlashda aybladi. Meduza urushning 176-kuniga oid asosiy fotosuratlarni jamladi.
Kunning asosiy voqeasi. Xarkovdagi umumiy yotoqxonalarga hujumlar
Xarkovliklar Rossiya raketasi tushgan bino vayronalari yonida bir biriga dalda bermoqda. 17-avgust kuni kechqurun va 18-avgust kuni erta tongda rus qo‘shinlari shaharni o‘qqa tutdi, ikkita umumiy yotoqxona vayron qilindi. Oxirgi ma’lumotlarga ko‘ra, 17 kishi halok bo‘lgan, 42 kishi yaralangan. Rossiya Mudofaa vazirligi “xorijiy yollanma askarlarga mo‘ljallangan vaqtinchalik baza”ga zarba berganini da’vo qildi.Foto: AP Photo
Xarkovning Xolodnogorsk tumanidagi Madaniyat uyi binosiga 18-avgust kuni erta tongda Rossiya raketasi urildi. O‘t o‘chiruvchi hujumdan keyingi yong‘inni o‘chirmoqda.Foto: Reuters
Xolodnogorsk tumanidagi Madaniyat uyi xarobalari ustida ishlayotgan o‘t o‘chiruvchilar.Foto: Reuters
Nikolayev
Nikolayevda ichimlik suvi uchun navbat. Xersondan 100 kilometrdan kamroq masofada joylashgan ushbu port shahar bosqin boshida rus armiyasining asosiy nishonlaridan biri bo‘lgan, biroq ishg‘oldan qutulib qolgan. Shunga qaramay, Nikolayev shahri va viloyati Rossiya tomonidan doimiy ravishda o‘qqa tutilmoqda.Foto: AFP
Rossiyaning Nikolayevga navbatdagi raketa hujumidan jabrlangan yaradorlar va kasalxonaga ularni ko‘rishga kelgan qarindoshlari.Foto: AFP
Lvov
Ukraina prezidenti Vladimir Zelenskiy gospitalda Ukraina Qurolli Kuchlarining yarador askariga mukofot topshirdi.Foto: Ukraina prezidenti matbuot xizmati
Vladimir Zelenskiyning getman Pyotr Sagaydachniy nomidagi quruqlikdagi qo‘shinlar milliy akademiyasiga tashrifi chog‘ida prezident va Ukraina Qurolli Kuchlari askarlari halok bo‘lgan Ukraina himoyachilari xotirasiga bir daqiqalik sukut saqlamoqda.Foto: Ukraina prezidenti matbuot xizmati
Donbass shimoli
Donetsk viloyatining Drujkovka shahrida yashovchi kishilar Rossiya o‘qlaridan shikastlangan tomni ta’mirlamoqda. Bu shahar Donbass shimolidagi rus armiyasining asosiy nishonlari bo‘lgan Slavyansk va Kramatorskning janubida joylashgan, u Rossiya tomonidan muntazam ravishda o‘qqa tutilmoqda.Foto: AP Photo
Drujkovka osmonida uchayotgan qiruvchi samolyot.Foto: AP Photo
Drujkovkalik qiz iti bilan sayr qilmoqda. Shahardagi aholining aksariyat qismi evakuatsiya qilingan.Foto: AP Photo
Izoh (0)