Rossiya tovarlarini AQSHga yetkazib berish 18 yil ichda eng past darajaga tushdi

Iyun oyida Rossiya tovarlarining AQShga importi may oyiga nisbatan 1,7 baravarga qisqardi. Bu 2004-yil boshidan beri eng past daraja, deya xabar bermoqda “RBK”. 

2022-yilning iyun oyida Rossiya va AQSH o‘rtasidagi savdo pasayishda davom etdi, AQSHning Rossiyaga tovarlar eksporti yangi rekord darajadagi 58 million dollarga tushdi. 

Rossiyadan AQSHga import may oyiga nisbatan 1,7 baravar kamayib, 661 million dollarni tashkil etdi. 

AQSH aholini ro‘yxatga olish byurosi Rosstatning Amerika ekvivalenti hisoblanadi. AQSH va Rossiya o‘rtasidagi o‘zaro savdo aylanmasi iyun oyida ikki davlat o‘rtasidagi 2021-yildagi o‘rtacha oylik aylanmadan (3 milliard dollar) to‘rt baravar kam bo‘ldi.

Fevral oyidan boshlab Rossiya bojxonasi tashqi savdo statistikasini nashr qilishni to‘xtatdi. 

AQSH ma’lumotlariga ko‘ra, iyun oyida AQSHning Rossiyadan importi 2004-yil fevralidan beri eng past ko‘rsatkichni qayd etdi. 2004-yil boshida bu ko‘rsatkich 653 million dollar edi. 

Hattoki 2008-yilgi jahon iqtisodiy inqirozidan keyin ham AQSHning Rossiyadan importi hozirgidan ko'proq (2009-yil fevral oyida 984 mln dollar) edi. 

Mart oyida 5 baravar kamaygan AQSHning Rossiyaga eksporti may oyidagi 77 million dollardan iyun oyida 58 million dollarga tushdi. 

Shu jumladan, Amerika farmatsevtika mahsulotlarini Rossiyaga yetkazib berish ikki barobarga qisqardi — 13 million dollar.