Июнь ойида Россия товарларининг АҚШга импорти май ойига нисбатан 1,7 бараварга қисқарди. Бу 2004 йил бошидан бери энг паст даража, дея хабар бермоқда «РБК».
2022 йилнинг июнь ойида Россия ва АҚШ ўртасидаги савдо пасайишда давом этди, АҚШнинг Россияга товарлар экспорти янги рекорд даражадаги 58 миллион долларга тушди.
Россиядан АҚШга импорт май ойига нисбатан 1,7 баравар камайиб, 661 миллион долларни ташкил этди.
АҚШ аҳолини рўйхатга олиш бюроси Росстатнинг Америка эквиваленти ҳисобланади. АҚШ ва Россия ўртасидаги ўзаро савдо айланмаси июнь ойида икки давлат ўртасидаги 2021 йилдаги ўртача ойлик айланмадан (3 миллиард доллар) тўрт баравар кам бўлди.
Февраль ойидан бошлаб Россия божхонаси ташқи савдо статистикасини нашр қилишни тўхтатди.
АҚШ маълумотларига кўра, июнь ойида АҚШнинг Россиядан импорти 2004 йил февралидан бери энг паст кўрсаткични қайд этди. 2004 йил бошида бу кўрсаткич 653 миллион доллар эди.
Ҳаттоки 2008 йилги жаҳон иқтисодий инқирозидан кейин ҳам АҚШнинг Россиядан импорти ҳозиргидан кўпроқ (2009 йил февраль ойида 984 млн доллар) эди.
Март ойида 5 баравар камайган АҚШнинг Россияга экспорти май ойидаги 77 миллион доллардан июнь ойида 58 миллион долларга тушди.
Шу жумладан, Америка фармацевтика маҳсулотларини Россияга етказиб бериш икки баробарга қисқарди — 13 миллион доллар.
Изоҳ (0)