O‘zbekistonda kelgusi yil hosili uchun kartoshka urug‘liklari zaxirasini yaratish bo‘yicha joylarda tashkiliy va agrotexnik tadbirlar olib borilmoqda. Bu haqda Qishloq xo‘jaligi vazirligi xabar berdi.
2023-yil hosili uchun 2022-yilda ekilgan ertaki va kechki kartoshkalardan urug‘lik zahirasini yaratishda ushbu ekinni daladan nes-nobud qilmay yig‘ishtirib olish, uni sovitkichli, oddiy hamda fermer xo‘jaliklarining omborlarida saqlash rejalashtirilgan.
Shuningdek, urug‘liklarni kasallik va zararkunandalardan himoya qilish ishlarini tizimli tashkil etish muhim hisoblanadi.
2023-yil hosili uchun 30,4 ming fermer va qishloq xo‘jaliklari korxonalari tomonidan 106 ming gektar asosiy maydonlarga kartoshka joylashtirilgan.
Ushbu asosiy maydonlar uchun 267 ming tonna urug‘lik talab etilishi hisob-kitob qilinib, shundan, joriy yilda 289 ming tonna (2 ming tonna qo‘shimcha) urug‘lik kartoshka jamg‘arish belgilab olingan.
Joriy yilning 5-avgust holatiga ko‘ra, 43,6 ming tonna yoki 15 foiz urug‘lik kartoshka jamg‘arilgan.
Shundan, 11,7 ming tonnasi sovitkichli omborxonalarda va 31,9 ming tonnasi oddiy omborxonalarda saqlanmoqda.
Avvalroq O‘zbekistonga kartoshka asosan qayerdan kirib kelayotgani haqida xabar berilgandi.
Izoh (0)