Italiyaning Maire Tecnimont kompaniyasi mamlakatning Rossiyadan tabiiy gazga qaramligini kamaytirish uchun yangi yechim ustida ishlamoqda. Kompaniya bunga chiqindilarni qayta ishlash orqali erishmoqchi, deb yozadi Bloomberg.
“Yashil aylana okrugi” loyihasi ekologik toza kimyoviy moddalar va yoqilg‘i ishlab chiqarish uchun poligon chiqindilaridan uglerod va vodorod ajratib olishni nazarda tutadi.
Kompaniyaning bosh ijrochi direktori Alessandro Berninining so‘zlariga ko‘ra, har yili mamlakatdagi chiqindixonaga 16 mln tonnaga yaqin chiqindi tashlanadi va ular qayta ishlanmaydi.
Xorijiy energiyaga qaramlikni kamaytirish uchun ularni sintetik gazga aylantirishimiz mumkin. Har biri yiliga 600 ming tonnani qayta ishlashga qodir o‘nta zavod besh yil davomida butun Italiya tarmog‘ini isitish va quvvat bilan ta’minlash uchun zarur bo‘lgan gazning 10 foizini ta’minlay oladi, — dedi u.
Italiya 2024—2025-yillar qishigacha Rossiya gazidan butunlay mustaqil bo‘lishni niyat qilgan.
Iyul oyi oxirida Italiyaning Eni neft va gaz kompaniyasi boshqa yetkazib beruvchilar bilan shartnomalar orqali 2025-yilgacha Rossiya gazidan to‘liq voz kechmoqchiligini e’lon qildi.
Kompaniya allaqachon Jazoir, Misr va Kongo bilan gaz yetkazib berish bo‘yicha shartnomalar tuzgan.
Bundan tashqari, Liviya, Angola va Mozambik bilan shartnomalar tuzish imkoniyati ko‘rib chiqilmoqda.
Eni ma’lumotlariga ko‘ra, 2025-yilga borib 20 mlrd kub metrgacha bo‘lgan muqobil gaz yetkazib berishga erishish haqiqatda Rossiya gazining yillik importini 100 foizini qoplaydi.
Izoh (0)