Toshkentdagi ikki tumanning ba’zi joylarida gaz ta’minoti vaqtincha to‘xtatiladi

Toshkent shahri Yunusobod va Uchtepa tumanlarining ba’zi hududlarida gaz ta’minoti vaqtincha to‘xtatiladi.

Yunusobod tumani, “Registon” mahallasi hududidagi aholi xonadonlariga yo‘naltirilgan gaz quvurlari ikki bosqichli tizimga o‘tkazilayotganligi sababli gaz quvurlarini kesish va ulash ishlarini amalga oshirish rejalashtirilgan.

Shu sababli 2022-yil 29-iyul kuni soat 10:00 dan 17:00 gacha “Registon” mahallasida, Ahmad Donish 1-tor ko‘chasida gaz ta’minoti vaqtinchalik to‘xtatiladi.

Shuningdek, Uchtepa tumani, Zarafshon 6-tor ko‘chasida joylashgan gaz taqsimlash qurilmasini xavfsiz joyga ko‘chirish ishlari olib borilishi rejalashtirilgan. Shu sababli 2022-yil 29-iyul kuni soat 10:00 dan 17:00 gacha Zarafshon 6-tor ko‘chasida gaz ta’minoti vaqtinchalik to‘xtatiladi.

Ta’mirlash ishlari tugatilgandan so‘ng, tabiiy gaz ta’minoti qayta tiklanadi.