Тошкентдаги икки туманнинг баъзи жойларида газ таъминоти вақтинча тўхтатилади

Тошкент шаҳри Юнусобод ва Учтепа туманларининг баъзи ҳудудларида газ таъминоти вақтинча тўхтатилади.

Юнусобод тумани, «Регистон» маҳалласи ҳудудидаги аҳоли хонадонларига йўналтирилган газ қувурлари икки босқичли тизимга ўтказилаётганлиги сабабли газ қувурларини кесиш ва улаш ишларини амалга ошириш режалаштирилган.

Шу сабабли 2022 йил 29 июль куни соат 10:00 дан 17:00 гача «Регистон» маҳалласида, Аҳмад Дониш 1-тор кўчасида газ таъминоти вақтинчалик тўхтатилади.

Шунингдек, Учтепа тумани, Зарафшон 6-тор кўчасида жойлашган газ тақсимлаш қурилмасини хавфсиз жойга кўчириш ишлари олиб борилиши режалаштирилган. Шу сабабли 2022 йил 29 июль куни соат 10:00 дан 17:00 гача Зарафшон 6-тор кўчасида газ таъминоти вақтинчалик тўхтатилади.

Таъмирлаш ишлари тугатилгандан сўнг, табиий газ таъминоти қайта тикланади.